පාසලේ අනන්‍යතාවය, පිළිවෙල හා සාමුහිකත්වය ඔප්නංවන ප්‍රධාන අංගය නිළ ඇදුමයි. නිල

ඇදුම භාවිතා කිරීමේදී පහත දැක්වෙන නීති රීති අනුගමනය කිරීම අනිවාර්ය වේ.

පිරිමි ළමුන් 

01.දිග කලිසම සදහා

1. 10 ශ්‍රේණිය හා ඉහළ සියලු පිරිමි ළමයි දිග කලිසම ඇදිය යුතුය.

2. තනි සුදු රෙද්දෙන් පමණක් මසා ගත යුතුය.

3. කලිසමේ ඉන පටිය  අඟල් 1,1/4 ට වඩා පළල නොවිය යුතු අතර එහි පුඩු නොයෙදිය යුතුය.

4. ඉන පටිය තද කරන හක් එක කලිසමේ හරි මැදට සවි නොකළ යුතුය.එය දකුණු පසට අඟල් 1,1/2 වන සේ සවි කිරීමට හැකිවන පරිදි සකස් විය යුතුය.

5.  කලිසම ඉදිරිපස එක් පැත්තක රැලි දෙකට වඩා නොතිබිය යුතුය. එමෙන්ම රැලි   නොමැතිව ඇඳීමට ඉඩ දෙනු නොලැබේ.

6. කලිසම දෙපැත්තේ සාක්කු අමතර විලාසිතා වලින් තොරව විය යුතු අතර කෙළින් හෝ තරමක් ඇලව මසා ගත යුතුය

7. පිටුපස සාක්කු එකක් පමණක් තිබිය යුතු අතර සාක්කු මැස්මක් නොතිබිය යුතුය.පැච් පොකට් ක්‍රමයට ඇඳීමට ඉඩ දෙනු නොලැබේ.

8. සීරුවෙන් සිටගත් විට කකුල් මේස් නොපෙනෙන පරිදි එහෙත් සපත්තු අඩියේ සිට අඟල් 1,1/2 පමණ වාටිය සිටින සේ මසා ඇඳිය යුතුය.

9. "ෆෝල්ඩර්" එක (Folder) තම සිරුරේ ප්‍රමාණය අනුව අඟල් 14-17 වන අයුරින් මසා ගත යුතුය.

10. ෆෝල්ඩ්  එකේ වාටිය අඟල් 1,1/2 පළ්ලට නවා නූල් ඇද තිබිය යුතු අතර, වාටිය පිටට නවා හෝ කුඩාවට මසා ඇඳීමට ඉඩ දෙනු නොලැබේ.

     

02. කොට කලිසම සදහා

1. 6  ශ්‍රේණියේ සිට 9 ශ්‍රේණිය දක්වා පිරිමි ළමුන් කොට කලිසම් ඇඳිය යුතුය..

2. නිල් පාටින් පමණක් කොට කලිසම මසා ගත යුතුය.

3. 1.3 සිට1,7 දක්වා සියලුම කරුණු කොට කලිසම සඳහා ද එලෙසින් ම බලපානු ඇත.

4. වාටිය අගල් 1,1/2පළලට ඇතුලට නවා නූල් ඇද මසා තිබිය යුතු අතර කලවයේ ප්‍රමාණයට වඩා විශාල ව හෝ තදට කලිසම් කකුල් මසා නොතිබිය යුතුය.

03.කමිසය 

1. මෝස්තර රහිත තනි සුදු සාමාන්‍ය රෙද්දකින් මැසිය යුතුය.

2. සාමාන්‍යයෙන් කොලරය සහිත සුදු අත්කොට කමිස විය යුතුය.

3. කමිසය කලිසමට යට කර තිබිය යුතුය.

4. කමිසය යටින් අඳින බැනියම් අකුරු හෝ රූප නැති සුදු අත් රහිත බැනියම් විය යුතුය.

5. කමිසය ඇන්ද විට සිරුරට තද හෝ අනවශ්‍ය ප්‍රමාණයට වඩා හෝ නොවිය යුතුය.

6. කර පියව බොත්තම් හා ඊට පහළින් ඇති බොත්තම අතර දුර අඟල් 3ට වැඩි නොවිය යුතුය.

7. කමිසයට අනවශ්‍ය රැලි කිසිවක් නොයෙදිය යුතුය. කමිසය මත විද්‍යාලයීය නිල ලාංඡනය හැර කිසිදු ලේබලයක් නොවිය යුතුය.

8. සියලු මැහුම් සාමාන්‍ය මැස්මක් විය යුතු අතර, එහි කැපී පෙන්න ඉරි ආදිය යුග්ම මැස්ම (Double line) නොතිබිය යුතුය.

9. සාක්කුවේ දකුණු පස ඉහල කෙලවරේ නිල ලාංඡනය නොගැලවෙන සේ මසා තැබිය යුතුය..

 04.පාවහන්

1. තද කළු පාට අමතර විලාසිතා නොමැති සරල, ලෙස් සහිත සම් පාවහන්(සපත්තු) පැලඳිය යුතුය.

2. මේස් කලු පාට විය යුතු අතර, මේස් උඩ කෙළවර ඉර සහිත ඒවා නොවිය යුතුය.

3. විවිධ මෝස්තරවලින් යුතු විවිධ ලාංඡන සවි කරන ලද පාවහන් නොපැලදිය යුතුය.

4. වළලුකර වැසෙන සේ (ඇන්කර් බූට්ස්) පැළඳීම සම්පූර්ණයෙන් තහනම් ය.

5. කකුලේ ආබාධයක් ඇති අවස්ථාවලදී පමණක් සෙරෙප්පු පැලදීමට අවසර ඇත.එහෙත් එවැනි අවස්තාවල පැලදිය යුත්තේ කලු පටි සහිත පිරිසිදු රබර් සෙරෙප්පු පමණී.

05.කොණ්ඩය හා රැවුල

1.  විද්‍යාලයීය ශිෂ්‍ය භාවයට මනාව ගැළපෙන පරිදි කොණ්ඩය කොටට(අගලක් පමන) කපා බම්ප් ඇසට කෙලින් රොද තබා පීරා තිබිය යුතුය.

2. ප්‍රමාණවත් තරමට තෙල් ගා කොණ්ඩය පීරා තිබිය යුතු අතර, වෙනත් ආලේපන භාවිත නොකළ යුතුය.

3. රැවුල සම්පූර්ණයෙන්ම කැපිය යුතුය

 ගැහැනු ළමුන්

 01.ගවුම

1.  රැලි 6 යොදා ගවුම මැසිය යුතුය වාටිය දණහිස වැසෙන සේ තිබිය යුතුය.
2. කොලරය නිසි පරිදි තිබිය යුතු අතර, ටයි පටිය ගැට ගැසූ පසු පසුපසින් එය වැසෙන පරිදි කොලරයේ අගල් 3ක් පමණ පළල විය යුතුය.
3. ඉදිරිපස විවරය අඟල් 3-1/2 විය යුතුය.
4. අත් කට උරහිස මතම නොවිය යුතුය ඒ කිසිවිටෙකත් උරහිසින් පහලට නොවැටිය යුතුය.
5. අත් වල රැලි නොතිබිය යුතු අතර අතේ දිග වැලමිට සිට අඟල් 3ක් ඉහලින් විය යුතුය.
6. ගවුමේ අත දිග විශාලත්වය අතේ ප්‍රමාණයට වඩා අගල් 1,1/2 ට වැඩි නොවිය යුතුය.
7. පටියේ පළල අගල්1,1/2 විය යුතුය නියමිත පගවුමට සම්බන්ධ කර ටික් අල්ලා තිබිය යුතුය.
8. ඉන වාටිය අවශ්‍ය පමණ වඩා ඉහළින් හෝ සිටින පරිදි මසා ඇඳීම තහනම් ය( ගවුමේ ඉන ඉනෙහිම  විය යුතුය)
9. සෑම ශිෂ්‍යාවක් ම විද්‍යාලයීය ටයි පටිය පැළඳිය යුතු අතර එය විදුහලට පැමිණ ආපසු නිවෙස වෙත යන තෙක්ම පැලැඳිය සිටිය යුතුය.
10. කුඩා කරාබු දෙකක් හැර වෙනත් ආභරණ පැළඳීම ඉඩදෙනු නොලැබේ.
11. ගවුමෙහි වම් පස  පාසල් නිල ලාංඡනය ස්ථිර ලෙස මසාරිදි  තිබිය යුතු ය.

 02.පාවහන්

1. සුදු මේස් සහිතව සුදු පාවහන් පමණක් පැලඳිය යුතුය.

2. වළලූකර වැසි යන සපත්තු නො

   පැළඳිය යුතුය.

3. මේස් දෙවරක් නවා තිබිය යුතුය

03.කොණ්ඩය

1. කන් නොවැසෙන සේ පීරා කරල් දෙකක් සේ ඉහළට කර කළු රිබන් වලින් බැඳිය යුතුය.

2. කොණ්ඩය කපා දික් වී ඇත්නම් පීරා කටුගසා රිබන් පටියකින් බැඳීම අවශ්‍ය වේ.

3. කිසිවිටෙකත් කොණ්ඩය නලලට වැටෙන සේ අවුල් වී හෝ නොතිබිය යුතුය.

4. කොට කොන්ඩය විවිධ විලාසිතාවන්ට අනුව නොකැපිය යුතුය.

5. එය සාමාන්‍ය අයුරින් ගවුමේ කොලරයට පෙනෙන තරමට කොටට කපා තිබිය යුතුය.